Սկիզբ -  Մեր մասին -  Կապ    
       
 
 
 
 
 
 
 
 
 
 
 
 
         Նեյրոմարքեթինգ
 

 

Ակադեմիքս Թիմ ընկերության մասնագիտական վերապատրաստման դասընթացների շարքում "Նեյրոմարքեթինգ" թեման բացառիկ է, հետաքրքիր և պրակտիկ` շնորհիվ  համաշխարհային մեծ փորձ կուտակած եւ մոնիթորինգի ժամանակակից բարձր տեխնոլոգիաներ կիրառող եվրոպական մի շարք ընկերությունների հետ պաշտոնական համագործակցության:
Նշենք, որ Ակադեմիքս Թիմը "Նեյրոմարքեթինգ" թեման առաջինն է Հայաստանում ներկայացրել 2011 թվականին մասնագիտական վերապատրաստման ձևաչափով, իսկ դասընթացը վարել է Ակադեմիքս Թիմ ընկերության հիմնադիր-տնօրեն, նեյրոմարքեթինգի ասոցիացիայի անդամ, նեյրոմարքեթինգի դասախոս՝ Լիլիթ Ճուղուրյանը:

 "Նեյրոմարքեթինգ" թեման 2016 թվականից ներկայացվում է նաև վարպետության դասի ձևաչափով Հանրային դիվանագիտության դպրոցի հետ համագործակցության շրջանակներում, իսկ  2013 թվականից՝ Երևանի Պետական Համալսարանում: Ավելի քան 200 մասնագիտական սլայդ, տեսություն և գործնական պրակտիկ օրինակներ, լայնէկրան ցուցադրություն, մասնագիտական ֆիլմադարան միջազգային բրենդերի նեյրոմարքեթինգային հետազոտությունների մասին:

Ակադեմիքս Թիմը կարեւորում է սպառողական կարծիքի մոնիթորինգի իրականացումը, ավելին՝ ավանդական մարքեթինգային հետազոտություններից բացի, իրականացնում  նաեւ գիտական հիմքի վրա ձեւավորված նեյրոմարքեթինգային հետազոտություններ: Նեյրոմարքեթինգը կիրառվում  է ամբողջ աշխարհում եւ կոչված է բացահայտել այն գործոնները, որոնք ազդում են գնման (buying decision) որոշում կայացնելու վրա, բացահայտում գնորդի իրական զգացողությունները, ապրումները եւ կարիքները: Ավելին, թույլ է տալիս հստակ գնահատել նաեւ մերչենդայզինգի եւ գովազդի արդյունավետությունը:
Այս նորարարական ասպարեզում
Ակադեմիքս Թիմը համագործակցում ենք համաշխարհային մեծ փորձ կուտակած եւ մոնիթորինգի ժամանակակից բարձր տեխնոլոգիաներ կիրառող շվեդական  Tobii Technology ընկերության հետ: Ունենալով նշված ընկերության պաշտոնական ներկայացուցչի կարգավիճակ՝ ընկերության բոլոր հետազոտություններն իրականացվում են իրենց կողմից մշակած տեխնոլոգիաներով եւ արտադրած սարքավորումներով:

 Նեյրոմարքեթինգը ոչ այլ ինչ է, քան բարձր ճշգրտության սարքավորումներով մարքեթինգային հետազոտություն, որը բացահայտում է սպառողի արձագանքը ապրանքների դարակաշարերի, ապրանքի լոգոտիպի, պիտակի, փաթեթավորման, գովազդային վահանակների եւ գովազդային հոլովակների նկատմամբ:

Նշված հետազոտությունների իրականացման համար օգտագործվում են համապատասխան գործիքներ, որոնցից կարելի է նշել սպառողի ուղեղի, աչքերի, մաշկի ազդակներն արձանագրող բարձր տեխնոլոգիական սարքավորումները:

Eye trackers

Neuromarketing and moder tools

 

  Սկիզբ -  Մեր մասին -  Կապ
                      Developed by Akademix Team  -  Webmaster  -   Akademix Team  2009 - All Rights Reserved